Inisyal na ELPAC

Ang Inisyal na mga Assessment sa Kahusayan sa Wikang Ingles para sa California (ELPAC) ay isinasagawa upang masukat ang kahusayan ng mag-aaral sa wikang Ingles. Ang Inisyal na ELPAC ay tumutulong kumilala kung gaano kahusay ang mag-aaral sa pakikinig, pagbabasa, pagsusulat, at pagsasalita sa Ingles. Ang impormasyong ito ay nakatutulong sa mga guro upang makapagbigay sa mga mag-aaral ng kinakailangan nilang resources upang magtagumpay.

Sa pag-enrol sa pampublikong paaralan ng California sa unang pagkakataon, ang mga estudyante sa kindergarten hanggang baitang 12 ay kumukompleto ng Survey ng Wika sa Bahay. Ang mga estudyante na may pangunahing wika maliban sa Ingles sa Survey sa Wika sa Bahay ay kukuha ng Inisyal na ELPAC. Ang Inisyal na ELPAC ay nagdedetermina kung kakailanganin nila ng suporta sa pag-aaral ng wikang Ingles o kung mahusay na sila sa Ingles.

Ang mga mag-aaral ay makatatanggap ng kabuuang puntos at antas ng kakayahan. May tatlong antas ng kakayahan:

Antas 3: Simula ng Pagiging Mahusay at Matatas sa Ingles Antas 2: Medyo Mahusay na Mag-aaral ng Ingles Antas 1: Baguhang Mag-aaral ng Ingles

Ang kabuuang puntos ay kombinasyon ng dalawang bahagi ng kakayahan.Ang mga estudyante na nakatanggap ng kabuuang antas ng 1 o 2, ay kinikilala bilang mag-aaral ng Ingles, o EL, at kailangan ng suporta sa pag-aaral ng Ingles. Ang mga estudyante na nakatanggap ng kabuuang antas ng 3, inisyal na may kahusayan sa Ingles, ay hindi kailangang kumuha ng Summative na ELPAC.

Kung mayroon kayong anumang tanong tungkol sa mga resulta ng asessment ng inyong anak, maaari ninyong makontak ang guro ng inyong anak para sa karagdagang impormasyon.